fbpx

الأذن الوسطى في الأطفال

هوسبيتايا - التهاب الأذن الوسطى عند الأطفال

إعرفي السبب ؟؟

هوسبيتاليا انهاردة بمعلومة جديدة عن واحد من أسباب ارتفاع درجات الحرارة عن أولادنا …. و هو إلتهاب
الأذن الوسطي !!

من الأسباب المنتشرة لإرتفاع درجة الحرارة عند الأطفال و اللي ممكن يحصل في أي وقت و أي سن هو إلتهاب الاذن الوسطى.

ايه هو التهاب الأذن الوسطي و ايه أسبابه و أعراضه و مضاعفاته و طرق علاجه؟

إلتهاب الاذن الوسطى بيحصل نتيجة عدوي بكتيرية أو فيروسية بتصيب منطقة الأذن الوسطى و هي الجزء من الأذن اللي بيكون بين طبلة الأذن و العظيمات الاهتزازية الموجودة بالأذن و ده ممكن يحصل لأي عمر لكن الأطفال أكثر عرضة من الكبار في حدوثه.

طيب ايه هي أعراض إلتهاب الاذن الوسطى؟

الأعراض ممكن تختلف من حالة لحالة حسب نوع العدوي و عمر الطفل و قدرته علي توصيل الشكوي للأهل، لكن غالبا بيكون فيه عرض أو أكثر من الأعراض التالية :

• ألم في أذن واحدة أو الاثنين.

• سحب أو شد الأذن.

• بكاء مستمر بدون سبب آخر واضح.

• إرتفاع الحرارة.

• فقدان الاتزان.

• خروج إفرازات أو صديد أو دم من الأذن.

• ضعف قوة السمع.

• الصداع.

• فقدان الشهية.

طب إمتي لازم ناخد الطفل لدكتور عشان يفحصه او نكلم دكتور يجيلنا ؟

• لو الطفل عمره أقل من ٦ شهور.

• لو الأعراض إستمرت أكتر من ٢٤ ساعة.

• لو فيه إفرازات أو صديد أو دم بيخرج من الأذن.

• لو فيه أعراض تانية لعدوي في الجهاز التنفسي زي ألم في الحلق أو إفرازات أو انسداد في الأنف.

• لو لاحظت أن طفلك مش سامعك كويس.

لو لقيت أي سبب من اللي قلناههم دول ما تترددش و كلم هوسبيتاليا و خلي الدكتور يشوف ابنك في أقرب فرصة منعا لحدوث أي مضاعفات.

تابعونا قريبا هنكمل كلامنا عن مضاعفات إلتهاب الاذن الوسطى و طريقة علاجه و طرق الوقاية منه في الأطفال.

احجز زيارة منزلية مع نخبة من أفضل المتخصصين ٢٤ ساعة
من خلال : 01100080900
أو عن طريق موقعنا من هنا

Call Now Button
Need Help? Chat with us